Balakid sa Pagpapatupad ng Rizal Law: R.A. 1425

Week 1.
Republic Act. 1425: Rizal Law
Trials of the Rizal Law

      Sa unang araw ng klase, namulat ang aking kaisipan na hanggang sa kasalukuyan ay may mga kalaban pa rin si Dr. Jose Rizal. Nabatid ko na ang Rizal Law ay katulad ng RH Bill na kontrobersyal sa kani-kanilang panahon. Kagaya ng RH Bill, ang Simbahang Katoliko rin ang pangunahing tagasalungat ng pagpapatupad ng Rizal Law dahil naniniwala silang laban ito sa katuruan ng simbahan. Kahit hindi ko nakita o nasaksihan ang mga oposisyong iyon, nabatid ko ang hirap ng mga mambabatas para maipasa ang batas na ito. Gayunpaman, nakakatuwa na naipatupad ang batas na ito at malaya naming napag - aaralan ang buhay at mga akda hindi lamang ni Dr. Jose Rizal; kundi pati ng iba pang mga dakilang bayani ng ating bansa. Ang nakakalungkot lamang ay hindi pa rin ito lubusang naipapatupad hanggang sa kasalukuyan. May mga alam akong paaralang Katoliko ang hindi nagtuturo ng buhay at mga gawa ng ating pambansang bayani.